莎士比亞故鄉 Stratford ~ 夏令營!

更多相按此去FB 

Stratford-on-Avon 係莎士比亞故鄉
好多去英國遊學嘅小朋友都去架，週圍都係遊客!

呢度有莎士比亞故居，好多好得意嘅屋屋同店鋪！

莎士比亞故居

周圍都係呢d靚屋!

書卷味! 連迴旋處都係書蟲

聖誕店

 










仲有日日都開嘅聖誕店，有peter rabbit的專賣店同有間魔法小店，仲有間好正嘅芝士店!

Peter Rabbit 店

 

魔法小店

stratford仲有個靚嘅河畔!

河畔

有特別嘅撐篙punting同橫水渡~
仲有雪糕船呀!!

撐篙

雪糕船

 
 











我哋夏令營係露營營地舉行，所以今次露營!

拆淨1/3 嘅營! 本來有多一個living room 仲有花園!

好好玩呀~~~

喺花園透暑…

星級夏令營，星級導師! Toni Dawkins, Natasha Wise (3次世界冠軍), Laura Chudleigh, Martin Reid

【淺談雪橇狗狗比賽~~~】

雪橇狗狗其實有好多…
最常見有亞拉斯加雪橇 (alaskan malamute "mally/mal" )、西伯利亞雪橇 (siberian husky) 同西摩 (samoyed "sammy")…
係呀，好可愛嘅西摩係工作犬!
每年喺Aviemore 都會有雪橇犬比賽，好多雪橇犬會去架！
其實有幾項比賽嘅…

西摩都可以拉雪橇!

後面車仔上就係重物，大概200kg

1) Pulling, 拉重…

要知道雪橇犬係拉到重自己N多倍嘅嘢，拉到最重就係贏! 不過佢地有分唔同組別呀~ 記住拉重係經過訓練，唔好自己亂嚟！
一般來說，mals 會強過huskies…
"mals are bred for strength, huskies are bred for speed"
繁殖大隻好多嘅亞拉斯加雪橇係為力度…
繁殖細隻好多嘅西伯利亞雪橇係為速度…

努力過終點!

 

 

 

 

 

 

 

太跣喇，人都落車

 

2) 拉雪橇/ Scooters…
有分短距離 (大概1-2km?)同好遠距離(要幾個鐘)呀！
多數2隻以上一齊拉~ 好多時會係同一個品種嘅狗狗~
亦有時係用husky帶頭，再加mally~
所以個d "musher" (控制狗狗拉雪橇/ Scooters嘅人)多數有好多隻雪橇狗狗，同埋會繁殖統種嘅雪橇狗狗~
拉雪橇或Scooters都係經過訓練，唔好自己亂嚟！

呢d相係山路賽，要幾個鐘架~ 我地係終點等!

hea住過終點

嚟緊喇!

  

小朋友你成面汗，因住結冰

返到黎，去埋一邊啦!

多數都成pack 狗狗架!

成pack狗狗等主人， 個架3輪東東就係狗狗拉的scooter

又一pack狗狗

再一pack狗狗

倫敦之旅

 FB連結(多d相)按呢度

倫敦！
我咁大個只係去過一次倫敦，係差唔多2年前！
係呀，我而家得2歲零2個月呀！
我係14週大嘅時候去倫敦，打完左week 8同week 12的針！
點解咁細個週圍去？？
因為媽媽要公幹，仲有個靚姐姐要離開英國，所我哋就成家去倫敦去左幾日！
第1次出門帶左好多野呀，仲有坐左好多好多個鐘車！

好多野~

 收拾好~~ 原來而家好多野已經唔用喇!!!!!
~ poop bag而家只用earthrated!
~ 梳而家基本上只係slicker
~ 而家食orijen
~ toothpaste 而家用logic gel
etcetcetcetc.................




 

 帶埋個soft crate~

3個幾4個鐘呀，訓陣先

 

好彩有兔兔陪坐車

呢個旅程我遇見我生平中第一隻mally(當時我超怕), 又見到兔仔(當時我好怕)，又見到個未訓醒的姐姐~
我去左好少地方咋~~
去咗Harrods沖個六星級靚涼同行街~ 

在Harrods有2個姐姐服待我

 













 

我係男仔woh

有靚靚Harrods花

去咗Tower Bridge隔離食飯~

倫敦塔橋

 

你地食飯，咁我覺覺豬!

去咗靚姐姐屋企訓~

靚姐姐家中特別睡得甜

去咗見靚姐姐d朋友~
去咗好大好靚嘅Battersea Park~
去咗City Hall外面個大大大草地玩住等媽媽放工~

姐姐嘅朋友帶我去倫敦市政廳到玩

 ~係酒店(Hilton Docklands Riverside)露台看日落!

Isle of Man旅行

FB連結按呢度~ (多相)

我之前去左Isle of Man旅行！


究竟喺邊度？
Isle of Man 喺愛爾蘭海，位於愛爾蘭島同英國本土中間! 唔好睇佢島仔細細，有半個香港咁大!係大嶼山的幾倍!!!!!
我地諗住去旅行，又咁啱見到IOM有障礙賽，咪去玩同比賽囉！ 比賽個時基本上落雨落雨!!! 不過好彩都贏到~~ 有塊IOM板岩的獎牌~~ 好特別架!!

點樣去？
你都知我有幾多行李架啦，所以我地去左利物浦上船，搭左2個幾鐘船去IOM，我就成程船要係車上 :( 而寵物人就上去坐! 不過呢，其實當晚海面好差好差！寵物人又顧住睇TBB，咪暈船浪囉!!!!!!!! 我？當然安好無暈!! :D 我地上到島已經半夜咁濟，所以第1日，寵物人繼續暈同plan下去邊度玩! 哈哈哈
但返英國本土個轉天氣極好! 無乜浪~~ 仲日光日白，見到利物浦對出好多個風車呀!!!! (我又當然係車上乜都見唔到!)

利物浦對出嘅風車

到利物浦lah!

 

住係邊？
喺島上，我地住朋友的酒店，本身唔俾狗狗的，但我係大少，有例外，但唔開名喇!

無敵海景酒店

 

有乜特產?
呢個島出名Kippers (咸魚)，帶子(特別係小帶子，好甜!)，無尾貓，同四角羊!!!
無尾貓好似話因為基因突變，所以貓貓無尾，而貓B可能會有尾/短尾/無尾啦！聽講香港都有一隻參展無尾貓，我身為狗狗，無見到無尾貓 :(
而四角羊羊，我就係車尾箱望出去見到！哈哈！無計啦，我係狗狗，唔好嚇親羊羊！
除左貓唔食得! (當然啦!!!), 咸魚，帶子同四角羊都食得呀！

小帶子包 (後面係咸魚包)

四角羊

 

無尾貓 Manx Cat

 

四角羊BB

喺車到望4角羊

而家仲興買咸魚做手信!

有乜特別地方？
TT山路
一年一度有個電單車大賽係IOM舉行，就係TT賽喇，車手就係d山路 (TT course)度飛車，而家個記錄係17分幾完成一圈!!!! 而正常係要大概一個鐘的!!!!! 所以咪每年都走至少一個人………… 咁第2,3日就係比賽日，比賽個地方又途經TT course, 所以咪遊埋車河囉!!!

TT賽路上一座building

周圍都係好長嘅山路

Snaefell山
呢個係IOM最高嘅山，高過太平山但無大帽山咁高。我搭登山纜車上左Snaefell, 好天嘅時候，可以睇到7個皇國架!! (英格蘭，蘇格蘭，威爾斯，愛爾蘭，天堂，海，同埋IOM!)
不過我地上去個日就有d雲咁啦!

Im king of the world!

交通工具
IOM有好多交通工具架！都比狗狗上的~ 有蒸氣火車、有電車、有登山纜車、有馬拉車… 因為時間嘅關係，除左馬車，我都坐哂luu!

火車

火車頭

馬車

無馬有狗嘅馬車

電車

登山纜車

無門電車

 海邊
我去左都幾個海邊/海灘架！其中Sound同Ayres係個IOM島的南北2端。
南: Sound個度有個叫Calf of Man的島，要坐船去架，我係Sound度見到好多海豹 (成日去旅行都見海豹，一年見一次… 唉~ 海浪公園咪有囉!)! 我仲見到兔仔!!!! 佢地真係狡兔十穴！寵物人就守穴待兔，你地學過成語都知係…等不到的!
而Ayres就好好好大風，啱吹乾耳仔! Ayres可以見到蘇格蘭! 我仲見到差唔多2年前我由蘇格蘭坐去北愛爾蘭 (係呀，下次講北愛囉!)個架船呀!!
又去左Scarlett同Niarbyl呢2個海邊，講到十級靚……… 咪又係大海呀! Niarbyl影相出黎又真係靚gei~~

在Niarbyl的Funny face

 

Niarbyl

遠望 Calf of Man島 & 海豹!

兔仔洞

Ayres 食風

S C O T L A N D？ 甚麼來的？

當年去Northern Ireland的船

樹林
IOM有好多個樹林，"national glen"都有17個，而我就去左聽講好靚的Bellaglass Glen……咪又係樹林一個! 有d搵笨 XD

Port soderick樹林

Bellaglass 樹林

Laxey小鎮
Laxey以前就係有板岩礦，咁就有一巨一細輪去轉走個礦嘅水。個礦同巨輪可以比狗狗比，之不過……… 個礦裡面濕立立，咪無去囉! hehee~~ Laxey仲有個羊毛廠，裡面有四角羊皮同有隻廠狗Ricky，所以乖狗狗可入去羊毛廠，寵物人買左Ricky推介的IOM狗餅餅俾我呀!! 個羊毛廠外面仲有d好得意的塑像~~ 我去左Laxey個海邊，見牌話狗狗唔去得但有local狗狗，咪去囉！點知俾巡邏員趕去個石灘的另一邊……
Laxey仲有三文魚架!向上跳產卵個d，不過我地去得唔啱時候~~

Laxey巨輪

Ricky

Ricky 推介餅餅

三文魚產卵地

海邊呼喚愛之後被趕 :(

得意塑像

Spaniels!!

Peel小鎮
Peel小鎮有個島，島上有個堡壘，唔俾狗狗入，所以我地係外面睇。仲有個博物館，都唔入得! Peel堡壘附近的海灘好大浪，超正!!! 所以寵物人去附近的魚吧買咸魚包同帶子包食，好好食呀(人!)，一邊看浪一邊食! 正~~ 不過小心會搶食的海鷗~ 我仲見到救援船出動呀!! 快d去救人啦!
Peel小鎮怪事:
當我係車上，寵物人出左去超市，
有個當地人同寵物人講 "如果上週未d天氣有咁好就好喇!"
雖然英國人鐘意講天氣，不過咁無啦啦就一頭霧水喇!
答完 "係啦，今日天氣真好"
佢就話 "係啦，你地真係做得好!"
哦!!! 原來係障礙比賽其他參賽者!!!!! 多謝哂~~

炸蟹拑同炸小帶子

Peel港口， 救援船出動

 

Museum外

 

Peel 小灘

好大浪

 

Peel Castle

Peel 港口

Douglas鎮
Douglas 係IOM的首府，上落船都係呢度。我地都係住呢度，Douglas有個好好好長嘅海旁，蒸氣火車站同電車站就一個係一邊，馬車就沿住海旁行。呢度有個 Manx Museum (唔俾狗狗入)，講呢度嘅歷史等等。可以上山去Douglas Head,望到成個鎮，又有條小路落去一個小灘，行狗狗一流!

Douglas Head 望睇去

Douglas小港口

 

Douglas海旁

Cragneash村
一個保留本土的舊屋的村莊，不過唔俾狗狗同要收費，有四角羊羊睇同有一隻老無尾貓 (有幾隻好難見到，但有隻好鐘意喺火爐前)。

其他景點:
Original Manx Fudge Factory -> 牛奶糖好好食
Mann Cat Sanctuary -> 年老貓貓收容所，大概十分一係無尾的Manx Cat
Grove Museum (Ramsey附近) -> 外面有四角羊羊看，我就係喺呢度睇!
Tynwald Hill-> 每年都有戶外國會會議係呢度呀!

貓貓收容所

Tynwald Hill

有好多tourist attraction都只開星期6、日，所以我地無得去 :( (如Jurby Transport Museum, Douglas Camera Obscura, 唔同嘅小火車, 咸魚廠等等)

食:
呢d都係ok的餐廳~~
Peel的魚吧!!!!! 新鮮好味，不過無魚返就唔開，如大風浪!
Steven Dedman's at Regency (Fine dine 環境好!)
Tanrogan Seafood Restaurant
The Tickethall
The Courthouse (四角羊漢堡)
The Corn Mill Tea Room & Restaurant
MacFarlane's

我諗差唔多喇~~ hehehee